رومانسيه أحمد ومنى ..

مني: "برومانسية" شايف النجوم يا أحمد

...أحمد...: نجوم إيه بس في عز الضهر دا أنا الشمس حرقت قفايا

مني: الله يا أحمد بص السحابة اللي هناك دي اللي عليها العصافير

أحمد: لا والله يا حبيبتي أنا مش شايفها بس شايف دخان عربيات خنقني

مني: يووووووووووووه يا أحمد خليك رومانسي شوية

أحمد: رومانسي إيه بس وأنتي مخرجاني في عز الضهر كده أنا الشمس كلت وشي وقالت أنا شبعت

مني: إنت مش بتحبني ولا إيه

أحمد: يا ستي بحبك

مني: لأ إنت كذاب انت مش بتحبني

أحمد: يعني أولع في نفسي بجاز عشان تصدقي إني بحبك

مني: "والدموع علي خدها" لا يا أحمد أنت تغيرت خالص

أحمد: يا حبيبتي والله بحبك

مني: لأ يا أحمد متصلحش اللي أنت عملته

أحمد: وهو أنا كنت عملت إيه بس

مني: " تعيط" اهئ اهئ اهئ

أحمد: بتعيطي ليه دلوقت

مني: أحمد طلقني يا أحمد

أحمد: هو احنا لسه إتجوزنا عشان أطلقك

مني: يعني كمان مش عايز تطلقني

أحمد يشد في شعره: يادي الليلة السودا أنا ايه اللي خرجني بس

مني: كمان خليتها ليلة سودا.. يعني أنا اللي خرجتك غصب عنك

أحمد: ياستي مش قصدي. بصي أنا مش هرد عليكي عشان مانتخانقش

مني: للدرجة دي قرفان مني

أحمد: "وشه يحمر من الغيظ" يعني انتي عايزة تتخانقي وخلاص

مني: يعني أنا نكدية يا أحمد

أحمد: لأ...... أنا

مني: انت بتاخدني علي أد عقلي

أحمد: حقك عليا وادي رأسك أبوسها

مني: يا سلام كده بكل بساطة

فجأة يقف أحمد علي سور الكوبري ويرمي نفسه في الميه

مني: تفتكر يا أحمد اني كده هسامحك

ربنا معاك ياأحمد

ههههههههههههههههههههههههههههههههههههههههههه
جامده جدا

» رومانسيه وفراق
» صور رومانسيه حب وعشق وعتاب